kuwa,me yake faruwa?"

"Al'ameen ne wai ya yanki jiki ya fad'i a office yanzu haka suna kan hanyan zuwa hospital dashi".Alhaji yace yana saka hula alamun fita zaiyi.

Nan Hajiya ta bukaci ya jira ta su tafi, bai ki ba ya tsaya jiranta.

Ita kuma ta kira Altine tace ta karasa mata aiki ta d'auki hijabi tabi bayan mijinta cike da tashin hankali.

Su Shu'aib suna isa hospital suka Tatar da Ya Sa'ad da wasu doctors 3 suna jiran zuwan su.

Nan da nan aka d'ora shi a wheel bed suka tura shi emergency.

Basu dad'e da shiga ba iyayen shi suka karaso cikin tashin hankali.

Ganin doctors basu fito ba,ba wanda zai basu gamshashiyat bayani dan haka waje suka samu suka zauna suna jiran fitowarsu.

Sun kai good 1 hr a kanshi amma sun kasa gane me yake faruwa,gashi baya numfashi sai zuciyar shi da take bugawa kad'an-kad'an.

Fitowa sukayi jiki a sanyaye.

Wani doctor da ake kira da Abubakar shi yayi karfin halin yi musu bayanin abinda suka gani dan Ya Sa'ad kuka yake wiwi.

" Alhaji kuyi hak'uri ba abinda Al'ameen yake bukata daga gare Ku kaman addu'a saboda a yanayin binciken da mukayi in numfashin shi bai dai-daita ba cikin 30 mins masu zuwa ba toh gaskiya ba abinda zamu iya yi sai hak'uri"yana fad'an haka shima ya wuce office d'in shi.

Hajiya kuka take kaman ranta ya fita Alhaji yana bata baki duk da shima ta maza yake.

Haka sauran yaransu suma sun taru ana rarrashin Hajiya.

Da'kyar suka samu tayi shiru kowa ya nemi wake ya zauna da add'ua a bakinsu sunayi suna kallon agogo wanda ko wani mint da zai buga da zuciyarsu yake bugawa.

Zaman forty mins sukayi suna add'ua amma shiru ba labari hakan yasa Alhaji yace su tashi su yafi dashi ayi mishi wanka akai shi gidan shi na gaskiya.

Dole kowanne su ya daure zuciya tare da rungumar kaddara suka shiga d'akin da aka k'wantar dashi.

Sun shigo suna kokarin d'aga shi su d'aura kan wheel bed


Kaman daga sama suka ga yayi mik'a tare da salati a bakin shi ya bud'e ido.

Nasan wasu sun kusan samun heart attack saboda sun dauka Al'ameen ya sheka😜😜😜
🙆🙆🙆🙆🙆🙆

*UKUBAR KISHIYATA*

😭😭😭😭😭😭

(Its all about love and betrayal)

Story by *~UMMEE YUSUF~*

(Maman Yusuf)


https://www.facebook.com/groups/1569379426621615/
*~GOLDEN PEN WRITERS ASSOCIATION💫💫💫~*


*_~❄We beare's of soon golden We writer's assiduously percieven No pain so Magical Our creative golden pen Be hold our worlds A production of our pen savour Our worlds for it cause u np pain~_*




*part forty six*


Da ido yake bin mutane da suke zagaye dashi suna mishi sannu.

Mik'ewa yayi cikin hanzari ya zauna tare da tambayan meya faru,me suke yi a asibiti?

Amsa mishi suke da bakomai ya k'wantar da hankalin shi,Ya Sa'ad yazo ya k'ara duba shi ya tabbatar musu komai normal yanzu.

Tashi yayi yana cewa shi zai wuce gida dan a lokacin ba abinda yake bukata kaman ya saka Ameera a idon shi.

Alhajin shi yace ba inda zaije sai dai driver ya kaishi.

Dagewa yayi shi zai iya driving da kanshi saboda baya jin komai a jikin shi,nan Alhaji yace toh suje Shu'aib ya ajiye shi a gida dan ba zai yarda yaja mota da kanshi ba.

A mota Al'ameen ya tsare sectaryn shi Shu'aib akan ya fad'a mishi meya faru dashi har aka kawo shi asibiti?

Dolen shi ya bashi labarin abinda ya faru tun daga lokacin da ya yanki jiki ya fad'i har zuwa bayanin da doctors sukayi musu.

Mamaki ya hana shi cewa komai haka Shu'aib ya sauke shi ya wuce office dan kimtsawa saboda a wargaje suka bar komai.

Cike da nishad'i ya nufi cikin gidan yana jin shi kaman wani sabon halitta.

Ameera suna main parlour ita Fateema harda Rabi suna hirar su hankali k'wance ga twins suna zaune a gefe da kayan wasan su .

Rabi tana basu labarin wani yaro mara ji a kauyen su suna k'yalk'yalar dariya Al'ameen yayi sallama ya shigo.

Dukkan su suka amsa mishi amma banda Ameera da ta tsura mishi ido ko kiftawa batayi.

Shima idon ya zuba mata dukkan su ji suke kaman sun d'ebi shekaru basu ga juna ba.

Rabi ta mik'e da sauri tare da kama hannun Fateema sukayi ciki suka basu waje.

Karasowa yayi gabanta ya durkusa ba tare da sun d'auke idon su a cikin na juna ba.

Kamo hannayen ta yayi ya sumbata yace..." Babyna ina kika shiga kika bar zuciyata cikin kuncin rashin ki? Kece farincikin rayuwata I can't live without u".

Kasa magana tayi ta sunkuyar da kanta k'asa tana kuka mara sauti.

Hannu yasa ya d'ago da fuskarta suna kallon juna,girgiza mata kai yake alamun baya son kukan da take.yasa hannu yana share mata hawaye.

Fad'awa tayi jikin shi ta k'ank'ame shi tana kuka sosai.

Shafa bayanta yake a hankali yana aikin rarrashi.

Kaman daga sama suka ji muryan Lateefa ta danno wata muguwar ashar.

A razane suka juyo suna kallonta ba tare da sun rabu ba.

"Al'ameen me zan gani haka,kana cikin hankalin ka kuwa?meya had'a ka da wannan k'azamar karuwar da..."

Lafiyayyar mari da taji a kuncinta shiya katse mata bala'in da take.

A rud'e ta juyo tana kallon shi rike da kuncinta tace..." Al'ameen ni ka mara?"

Ido a rine yana huci yace..."u re lucky marin ki kad'ai nayi a yau,but am warning u in kika k'ara attempting k'iran mata ta uwar 'ya'yana da mugayen suna makamancin wannan wallahi zan baki mamaki shasha kawai".

Kasa gaskanta abinda yake faruwa tayi ta tsaya tana binsu da ido kaman wata doluwa,sai da ta d'auki some seconds sannan ta dawo hayyacinta.

Hannayenta duka 2 ta d'aura a kai tare da fasa wani ihun da sauran mutanen gidan suka fito.

" na shiga 3 na lalace ni Lateefa".

Da gudu tayi kan Ameera tana..." Wallahi baki isa ba yau zan nuna miki kinyi kad'an kija dani".

Ameera tana tsaye tana kallonta ko motsi batayi daga inda take ba har Lateefa ta kusan karasowa gabanta wanda takun da yake tsakanin su baifi 3 ta goce gefe Lateefa kuma ta taho da karfinta hakan yasa ta fad'a kan center table ta fasa goshi.

Ko zugin da goshinta yake bata ji ta mik'e da gudu tayi kan Al'ameen taci k'walar shi tana... "Wallahi baka isa ba duk nafi karfinku wallahi karya ne..."

Ameera ce tazo a zuciye ganin abinda take kuma Al'ameen yayi shiru yana kallonta ba tare da ya d'auki mataki ba.

Finciko Lateefa tayi ta jefata kan kujera tana nuna ta da yatsa tace..."wani irin dabbanci kike mana a cikin gida haka?ki sani komai kika min zan d'auka amma ba zan tab'a zuba miki ido kina abinda kika dama akan mijina ba ".

Mik'ewa tayi bakin nan nata bai mutu ba sai zage-zage da tsine-tsine take ta wuce part d'inta.

Ameera kamo su Fadeel tayi tana rarashi saboda razana da suka yi.

Al'ameen shima yazo joining yana tayata rarrashinsu.

Lateefa tana shiga d'akinta sabon kuka ta saka tana..." Shiken nan asirina ya tonu komai ya lalace min".

Wayarta ta d'auka ta nemi number Aina'u ,ringin 2 yayi ta d'aga tana..." Sarauniya a gida Al'ameen ya aka yine?"

"Aina'u na shiga 3 duk asirin da mukayi duk sun warware yau ni Al'ameen ya mara a gaban tsinanniyar matarshi" tace cikin tashin hankali da matsacin kuka.

Aina'u cikin tashin hankali tace..." Ya akayi haka ta faru ko dai kinyi kuskure wajan aiwatar da abinda boka ya saka ki?"

"Ba tambayoyi nake nema ba Aina'u mafita nake nema". Lateefa ta amsa mata tana face hanci.

Nan Aina'u tace mata mafita 1 ce shine su koma wajan boka.

Babu musu Lateefa ta yarda kan gobe da safe zata same ta sai su wuce.

Tana gama waya da Aina'u ta kira number Maman ta taji switch off,ta gwada nasu Fa'iza suma still a kashe.

Haka ta k'wana a cikin part d'inta ita kad'ai dan koda wasa bata yi yunkurin fitowa ba kuma suma 'yan gidan babu wanda ya lek'a ta.

Da washe gari da sassafe Lateefa ta tashi ta shirya tare da tattara 'yan kud'ad'e da suka rage mata ta fito dan tafiya wajan boka.

A parlour ta had'u da Ameera tana shirya kan table ta d'ago suka had'a ido,harara ta Watso mata tare da cewa..." Kiyi abinda kike so in just 2 hrs dan kika bar wannan precious time d'in ya wuce it means a lot,dafatan kin gane"tana gama fad'an haka tasa kai ta fice daga gidan.

Murmushi Ameera tayi tana girgiza kai a zuciyarta tana cewa ba abinda zan gani sai alkhairi saboda da Allah na dogara.

******************

Suna saka kai d'akin boka ya daka musu tsawa tare da dakatar dasu yace...." Ku tsaya daga nan kada Ku kuskura Ku shigo min cikin dan abinda kuka zo dashi ba mai yiwuwa bane saboda mutanen nan yanzu sunfi karfina gashi kinsa tsiburitu da manaru sunyi matukar fushi dani sakamakon k'ona musu 'yar auta da sukayi.Ku fita nace kamin kusa in huce a kan Ku".

Lateefa dama tun jiya ranta yake a jagule kuma boka ya k'ara mata da nashi saboda ta gama imanin tana zuwa wajan shi zata samu solution amma ya kore ta,nan da nan taji zuciyarta ya mugun b'aci bata San lokacin da itama ta daka mishi tsawa ba tace...

"Dallah dakata Mallam in ka kasane kawai kace mana ka kasa ba wai ka samu a gaba kana mana ihu kaman wasu 'ya'yanka ba kuma wallahi..."


Bata samu daman k'arasa maganan ba sakamakon rufe mata baki da Aina'u tayi tana wuri-wuri da ido tace..." Lateefa bakida hankaline kike musu da boka,ko kin manta abinda na gaya mini a baya ne?"

"Ke dallah sake min baki " tace tana ture hannun Aina'u a kan bakinta ta cigaba da magana..." Anyi mishi musun sai me?yayi duk abinda zaiyi in ya isa".tace tana huci.

Aina'u zubewa tayi a kasa tana tuba a gaban boka .

Wata mahaukaciyar dariya ya kece dashi yana nuna Aina'u yace..." Ke tashi kiyi tafiyarki,ke kuma kije zaki ga abinda zanyi da wanda ba zanyi ba" ya karasa yana zarowa Lateefa manyan idanun shi kaman na 'ya'yan boris.

Tsaki Lateefa taja ta fice abinta ko d'ar bata ji a zuciyar ta ba.

Suna shiga mota Aina'u tace..."gaskiya Lateefa kinyi kuskure ko ince kinyi ganganci but dont worry akwai wani shahararren boka da yafi wannan in kina so yanzu zan je wajan shi ya gama mana dasu dan shi ba abinda yake gagaran shi,shiyasa ake mishi lak'abi da boka gagara badau.amma yana da matsala 1 bata karban kudi kad'an kaman wannan bokan sai masu yawa".

Ba tare da ta kalle ta ba Lateefa tace..." Har nawa yake karb'a?"

"Millions of naira ake bashi" Aina'u ta bata amsa.

Wani mugun kallo Lateefa ta watso mata tare da cewa..."wat millions of naira kika ce?amma daga ke har shi baku da hankali".

"Da hankali na mana Besty ganin situation da kike ciki shi yasa nace muje wajan shi and am assuring u zai miki aikin da nan da wani lokaci kad'an ba mai yawa ba zaki maida abinda yafi wanda kika kashe,ko ya kika gani?" Aina'u tace haka tana kallon fuskan Lateefa.

Ajiyar zuciya Lateefa tayi tace..." Na yarda dake Ainau,bud'e hand bag na ki d'auko min check book inyi miki singing duka abinda ya bukata just ki cire ki bashi".

Da haka suka iso inda zata sauke Aina'u ta sauke ta da sharad'in kada ta koma gidan har sai ta k'ira ta sanar da ita aiki yayi k'yau.

Direct hotel da take permanent room ta wuce akan a can zata zauna ta saurari k'iran Aina'u,dan baza ta iya jure ganin Ameera da 'ya'yanta cikin walwala ba.

Salees ta k'ira a waya kan yazo suyi zaman su tare amma yace mata yana Dubai yaje saro musu kaya sai nan da sati maybe zai shigo.

Haka ta cigaba da zama a hotel ita kad'ai ba abinda take sai shan wine sai bacci.

A ranan da ta cika 3days ne da daddare har ta fara bacci ta fara jin motsi cikin baccin.

A d'an tsorace ta bud'e idonta.

Tsoron ta ne ya k'aru ganin d'akin duhu ya mamaye alhalin bata kashe wutane d'akin ba.

Kamin tayi yunkurin yin wani abu taga haske a tsakiyan d'akin kaman an kunna candle.

Boka ta gani yana mata dariya d'akin yana amsawa,hannayenta tasa ta toshe kunnuwanta da shi sakamakon Dodon kunnen ta da taji suna barazanan fashewa.

Ganin shi tayi akan gadon da take tsirara da wata k'warya a hannun shi ga warin da yake fitowa daga cikin kwarayan shima yana yana barazanan sata amai.

Hannu yasa ya ciro abin ya d'aura mata a kan cikinta tare da karanto wasu kalamai da shi kad'ai ya san ma'anar su.

Tun da Ya fara Lateefa ta kasa motsa koda yatsanta balle tayi yunkurin guduwa.

Saida ya shafe minti 2 yana yi sannan abinda ya d'aura mata a kan cikin ya b'ace bat.

Abin yana b'acewa boka ma ya b'ace kuma wutan d'akin ya dawo, kuma sai a lokacin taji zata iya motsi.
🙆🙆🙆🙆🙆🙆

*UKUBAR KISHIYATA*

😭😭😭😭😭😭

(Its all about love and betrayal)

Story by *~UMMEE YUSUF~*

(Maman Yusuf)


https://www.facebook.com/groups/1569379426621615/
*~GOLDEN PEN WRITERS ASSOCIATION💫💫💫~*


*_~❄We beare's of soon golden We writer's assiduously percieven No pain so Magical Our creative golden pen Be hold our worlds A production of our pen savour Our worlds for it cause u np pain~_*


*part forty seven*


A razane ta tashi zaune tana dube-dube ko zata ga wani Abu amma bata ga kowa ba.

Barin gadon tayi ta koma kan kujera ta takure cike da matukar tsoro.

Kamin wayewar gari duk kamannin ta sun canza,baya ga haka ga cikinta inda boka ya d'aura mata abu ya zama gyambo yana fitar da wani irin ruwa mai warin gaske da ita kanta tana cutuwa da wsrin balle kuma ta kaiga mutum ya zauna kusa da ita.

Gari yana wayewa ta k'ira Aina'u amma wayarta a kashe.

Wuni tayi tana trying but amsa d'aya take samu shine is switch off.

Ganin yamma ta karato yasa tsoro ya karu a zuciyarta tana ganin in ta sake k'wana a d'akin nan maybe abinda zai same ta sai yafi na jiya worst.

Had'a 'yan kayanta tayi ta fito da niyan komawa gidanta.

Tana fitowa reception,duk mutanen da suke wajan suka fara toshe hanci suna mata kallon kyama wasu har guduwa suke daga wajan.

Sauri-sauri gudu-ggudu ta fice daga reception d'in ta fad'a motan ta.

Direct gida ta nufa,ta shigo bugum- buzugum kaman wata mahaukaciya.

Ameera ta gani k'wance a kan cinyar Al'ameen ta d'aura Fadeel kan cikinta,Al'ameen yana rik'e da Fadeela yana sai ta sauk'e Fadeel ta d'auki Fadeela da take kuka ita kuma tana bata so.

Tsayawa tayi a bakin k'ofan parlour tana kallon yanda suka kaure da kokuwan wasa suna ta dariya.

Lokaci d'aya suka ji wani irin wari mai kama da mushen jaki ya cika musu parlour.

Lokaci d'aya suka toshe hanci tare da dubu-dube ko zasu ga me yake musu wari haka.

Lateefa suka gani tsaye a bakin k'ofa fuska duk hawaye ga kamannin ta da yanayin ta duk sun canza.

Ganin duk sun zuba mata ido yasa tayi hanyan part d'inta ba tare da tace musu komai ba,suma ba Wanda ya iya ce mata komai illa rakata da ido suka harta shige.

Tafi 5 mins da wucewa sannan suka samu daman sake hancin su.

Ameera turaren wuta ta saka a parlour harda room fresher sannan warin yayi dama-dama.

Tsaki Al'ameen yaja yana cewa ..." Gaskiyan Hajiya da tace zata dawo da kanta ni ko shekara zata yi a gidan nasu ba zan tab'a binta ,ji yanda ta dawowa mutane kaman wata mahaukaciy".saboda Al'ameen duk a tunanun shi yaji tayi dan ya mare ta akan ta zagi Ameera.

Ameera ta rasa bakin magana jin abinda Al'ameen yace,saboda tabbas tasan ba yaji tayi ba bisa la'akari da magananun da ta fad'a mata kafin ta fita.

Allah ya musu tsari daga sharrinta tace a zuciyarta
dan Al'ameen baisan komai game da zaman da suka yi a baya ba.

Lateefa taci kuka a d'aki kaman ranta zai fita ta rasa tudun dafawa ga number Aina'u tayi ta gwadawa harta gaji.


Alert da tagani ya shigo mata waya shiyasa ta tsayar da kukanta ba shiri ganin an k'washe mata kud'in da suke account d'inta dama 12.5 Millon ne a ciki.

Tunawa tayi da Aina'u da kuma blank check da ta bata.

Sumbatu ta fara tana zagaye d'akin ita kad'ai kamar wata zararriya,ya za'ayi Aina'u ta k'washe mata kud'i tas kuma ta kashe waya me take nufi da hakan?



Kaman wacce ta tuna wani abu a zabure tayi wajan wani drower da take ajiye muhimman abubuwanta ciki harda documents na Al'ameen da ta k'washe a wajanshi.

Tana bud'e drowern shima wayam tagani ba ko d'aya duk ya k'wshe kayan shi sai 'yan kud'ad'e a cikin.

Ta baya-baya ta fara tafiya tana girgiza kai harta kai jikin bango.

Zaman 'yan bori tayi a wajan ta rasa wani irin tunani zatayi dan hawayen ma kafewa suka yi.

Lokaci d'aya komai na rayuwa ya tsaya mata Iowa ya juya mata baya ga wannan gyambon k'ara girma yake yana mata ciwon da ba zata ya misalta shi dana ciwon ajali.

Wayarta ta d'auka ta k'ara gwada number Aina'un hoping zai ko shia but still a kashe.

Number su Shamsiyya ta gwada suma a kashe dan haka sai ta k'ira na Mama bugu 2 ta d'auka tana..."Lateefa 'yar k'walisa ".

Da ba sunan da take jin dad'in shi kaman shi amma yau wani bakin ciki taji ya rufe ta.

Daurewa tayi tace..." Mama su Fa'iza sun zo gida wajanki?"

"Yaushe rabona dasu,sun dad'e basu zo.basa gidan ne?"

"Nima rabo na dasu yafi sati 2 bansan ina suka je ba" Lateefa ta amsa mata.

Mama tace..." Kin san su da zuwa gidan k'awaye kila yanzu suna gidan wata k'awar su".

Amsawa tayi da haka ne,suka yi sallama suka ajiye waya.

Yini tayi a d'aki ko parlourn ta bata leka ba har zuwa dare.

Karfe goma da rabi na dare tana kwance ta kasa bacci saboda azababben yunwa da yake k'wakularta tun tana daurewa har dauriyan nata ya kare taga ba zata iya jurewa ba.

Cikin tsand'a ta fito dan nemawa cikinta wani abu, Allah ya bata sa'a babu kowa a main parlour bata tsaya b'ata lokaci ba ta fad'a kitchen.

Warmers da akayi dinner dasu ta fara bubbud'ewa ko zata samu amma duk babu komai a ciki.

Wata daban tagani a can kusa da sink tana bud'e shi taga guntun tuwon shinkafa ce da akaci aka rage ga pepper soup na kifi da akaci sauran shima aka zuba akai.

Jiki na rawa ta jawo shi tare da zama dirshan akan tiles ta ciccire k'ayan ciki sannnan ta fara sambad'a loma hannu baka hannu k'warya.

Cikin abinda baifi kiftawar ido ba harta cinye abincin tas .

Bata tashi a wajan ba saida ta sid'e cooler tas kaman an wanke ta sannan ta hakura ta koma d'akinta ta kwanta da niyan gobe da sassafe zata